Jeremiah 2

Ukuhlamuka kukaIsrayeli

1Laselifika kimi ilizwi leNkosi lisithi: 2Hamba uyememezela endlebeni zeJerusalema usithi: Itsho njalo iNkosi: Ngiyakukhumbula, umusa wobutsha bakho, ^a uthando lokuganwa kwakho, ^b ukungilandela kwakho enkangala, ^c elizweni elingahlanyelwanga. ^d 3UIsrayeli wayeyibungcwele eNkosini, ^e izithelo zokuqala zesivuno sayo; ^f bonke abamudlayo bazakuba lecala, ^g ububi buzabehlela, ^h itsho iNkosi. 4Zwanini ilizwi leNkosi, ndlu kaJakobe, lensendo zonke zendlu kaIsrayeli.

5Itsho njalo iNkosi: Yibubi bani oyihlo ababuthola kimi, ukuze baye khatshana lami, ⁱ balandele ^j okuyize, ^k babe yize? ^{l , m} 6Njalo kabatshongo ukuthi: Ingaphi iNkosi eyasenyusa elizweni leGibhithe, ⁿ eyasikhokhela enkangala, ^o elizweni elilamagwadule ^p lelilemigodi, ^q elizweni ^r lokoma, ^s lelethunzi lokufa, ^t elizweni umuntu angalidabulanga, lalapho okungahlalanga muntu khona? 7Njalo ngaliletha elizweni elivundileyo, ^u ukuze lidle izithelo zalo lokuhle kwalo; ^v kodwa selingenile lalingcolisa ilizwe lami, lenza ilifa lami laba yisinengiso. ^w 8Abapristi kabatshongo ukuthi: Ingaphi iNkosi? Lalabo abaphatha umlayo kabangazanga; ^x lababusi baphambuka bemelene lami; ^y labaprofethi baprofetha ngoBhali, ^z balandela izinto ezingasiziyo. ^aa

9Ngakho ngisezaphikisana lawe, ^ab itsho iNkosi, njalo ngizaphikisana labantwana babantwana benu. ^ac 10Ngoba dlulelani ezihlengeni ^ad zeKhithimi ^ae libone, lithumele eKedari, ^af linakane kuhle, libone ukuthi kukhona into enjengale yini? 11Isizwe sake santshintsha yini onkulunkulu baso, ^ag abangeyisibo onkulunkulu? ^ah Kodwa abantu bami bantshintshile uDumo lwabo ^ai ngalokho okungasizi lutho. ^aj 12Mangalani kakhulu, mazulu, ^ak ngalokhu, lethuke, lichitheke kakhulu, itsho iNkosi. 13Ngoba abantu bami benzile izinto ezimbi ezimbili; bangidelile ^{al , am} mina mthombo ^{an , ao} wamanzi aphilayo, ^ap ukuthi bazigebhele izikhongozelo, izikhongozelo ezidabukileyo, ezingegcine manzi.

14UIsrayeli uyisigqili yini? ^aq Kumbe esizelwe ekhaya yini? ^ar Kungani waba yimpango? 15Amabhongo ezilwane abhongele phezu kwakhe, ^as akhupha ilizwi lawo, enza ilizwe lakhe laba yincithakalo; ^at imizi yakhe itshisiwe ^au ingelamhlali. ^{av , aw} 16Futhi abantwana beNofi ^ax leThahaphanesi ^ay badlele enkanda yakho. 17Kawuzenzelanga lokhu yini, ^az ngokuthi udele iNkosi uNkulunkulu wakho, ^ba ngesikhathi ikukhokhela endleleni? ^bb 18Khathesi-ke ulani lendlela yeGibhithe, ^bc ukuthi unathe amanzi eSihori? ^bd Futhi ulani lendlela yeAsiriya, ^be ukuthi unathe amanzi omfula? ^bf 19Ububi bakho buzakulaya, ^bg lokuhlehlela kwakho nyovane kuzakukhuza. ^bh Ngakho yazi ubone ukuthi kuyinto embi lebabayo ^bi ukuthi uyidelile iNkosi uNkulunkulu wakho, ^bj lokuthi ukungesaba kakukho kuwe, itsho iNkosi uJehova wamabandla.

20Ngoba kwasendulo ngephula ijogwe lakho, ^bk ngaqamula izibopho zakho; ^bl wasusithi: Kangiyikukhonza; kodwa phezu kwalo lonke uqaqa oluphakemeyo langaphansi kwaso sonke isihlahla esiluhlaza ^{bm , bn} wazulazula ^bo njengesifebe. ^{bp , bq} 21Kube kanti mina ngakuhlanyela, ^br ulivini elihle, ^bs inhlanyelo ethembekileyo ngokupheleleyo. Pho, usuphenduke njani waba lugatsha olonakeleyo lwevini lemzini kimi? ^bt 22Ngoba lanxa ugeza ^bu ngesoda*, ^bv uzithathele isepa enengi, ^bw kanti ububi bakho bube lichatha phambi kwami, ^bx itsho iNkosi uJehova. 23Ungatsho njani ukuthi: Kangingcolanga, ^by kangilandelanga oBhali? Bona indlela yakho esigodini, ^bz wazi ukuthi wenzeni, kamela elisikazi elilejubane ^ca elizulazula ezindleleni zalo. ^cb 24Ungubabhemi weganga ^{cc , cd} owejwayele inkangala, ophembela umoya enkanukweni yenhliziyo yakhe. ^ce Ngubani ongamvimbela enkanukweni yakhe? ^cf Bonke abamdingayo kabayikuzidinisa; ngenyanga yakhe bazamthola. ^cg 25Nqanda unyawo lwakho ekungabini ngolungelasicathulo, ^ch lomphimbo wakho ekomeni; ^ci kodwa wena wathi: ^cj Kakulathemba; ^ck hatshi; ngoba ngathanda abemzini, ^cl njalo ngizabalandela. 26Njengesela lilenhloni lapho selibanjiwe, ngokunjalo indlu kaIsrayeli ilenhloni, bona, amakhosi abo, iziphathamandla zabo, labapristi babo, labaprofethi babo, ^cm 27besithi esigodweni: Wena ungubaba; lelitsheni: ^cn Wena wangizala. Ngoba baphendulele umhlana kimi, hatshi-ke ubuso; kodwa ngesikhathi ^co sokuhlupheka kwabo bazakuthi: Sukuma, usisindise! ^cp 28Kodwa bangaphi onkulunkulu bakho ozenzele bona? ^cq Kabasukume uba bengakusindisa ^cr ngesikhathi sobubi bakho; ^cs ngoba njengenani lemizi yakho bangako onkulunkulu bakho, Juda. ^ct 29Liphikisanelani lami? Lonke liphambekile kimi, ^cu itsho iNkosi. 30Ngibatshayile abantwana benu ^cv ngeze; kabemukelanga ukuqondiswa; inkemba yenu ibadlile abaprofethi benu, ^cw njengesilwane esichithayo.

31Wena sizukulwana, ^cx lina bonani ilizwi leNkosi. Bengiyinkangala yini kuIsrayeli? ^cy Kumbe ilizwe lobumnyama obunzima yini? Batsholoni abantu bami ukuthi: Sizulazulile; ^cz kasisayikuza kuwe? 32Intombi ingazikhohlwa yini iziceciso zayo, kumbe umakoti amabhanti akhe? ^da Kanti abantu bami bangikhohliwe insuku ezingelanani. ^db 33Kungani ulungisa indlela yakho ekudingeni uthando? ^dc Ngakho ubafundisile labo ababi izindlela zakho. ^dd 34Lezigqokweni zakho kutholakala igazi lemiphefumulo yabayanga abangelacala; ^de kawubatholanga befohlela phakathi, kodwa phezu kwakho konke lokhu. 35Kanti wena uthi: Ngoba kangilacala, isibili intukuthelo yakhe izaphenduka isuke kimi. Khangela, ngizakwehlulelana lawe, ^df ngoba uthi: Kangonanga. ^dg 36Kungani uzulazula kangaka ^dh ukuntshintsha indlela yakho? ^di Uzayangiswa yiGibhithe layo, ^dj njengoba wayangiswa yiAsiriya. ^dk 37Yebo, uzaphuma usuka lapha, lezandla zakho ziphezu kwekhanda lakho, ^dl ngoba iNkosi iwalile amathemba akho, njalo kawuyikuphumelela ngawo.